يانجم....

ادارية

يانــــــجــم

يانجم مالي لا صديقٍ ولا عم
اصحابي اللي صاحبوني نسوني

ويانجم انا حالي مثل شارب السم
دايخ ولا ادري وين اوجه عيوني

ماكن وسط عروقي قلبي ولا دم
القلب متمسك بناس اهجروني

ناسٍ سقوني كاس مرٍ وعلقم
اجر ونات الحزن والغبوني

صبرت صبر وكل صبري تحطم
وش حيلتي في دنيتي حطموني

وياليت يانجم السما لي تكلم
وارحل معك يانجم فوق المزوني

واقولك عن حظي اللي تبلم
واقولك يانجم قصة حزوني

قصة غرامٍ تحزن البكم والصم
ويلين منها يابسات الغصوني

حتى الصغير اللي بعد ما تعلم
قال الكفن ياعزوتي كفنوني

مدام درب الحب طافي ومظلم
موت الحياه ولا حبيبٍ يخوني

ولو سمعها المجنون وقف وسلم
ويرجع لعقله ما تجيه الجنوني

ويانجم ياللي ساري الليل يانجم
ابيك تبعدني عن اللي جفوني

ماعاد انا عاشق ولاني بمغرم
مدام درب الحب درب الطعوني

يمكن معاك انسى حزوني مع الهم
وانسى الذي في دنيتي عذبوني

وافرح معك يانجم ثم اتبسم
وابيع ناسٍ عن هناي ابعدوني

مماراق لي